Asosiy mazmunga oʻtish

Oʻrik gullaganda

Hamid Olimjon · Erkin sheʼr · Zamonaviy davr · 32 misra

bahortabiatbaxtumidlirik sheʼrHamid Olimjon

Matn

Derazamning oldida bir tup
Oʻrik oppoq boʻlib gulladi...
Novdalarni bezab gʻunchalar,
Tongda aytdi hayot otini.
Va shabboda qurgʻur ilk sahar
Olib ketdi gulning totini.

Har bahorda shu boʻlar takror,
Har bahor ham shunday oʻtadi,
Qancha tirishsam ham u beor
Yellar meni aldab ketadi.

Mayli, deyman va qilmayman gʻash,
Xayolimni gulga oʻrayman;
Har bahorga chiqqanda yakkash,
Baxtim bormi, deya soʻrayman.

Yuzlarimni silab, siypalab,
Baxting bor, deb esadi yellar.
Etgan kabi goʻyo bir talab,
Baxting bor, deb qushlar chiyillar...

Hamma narsa meni qarshilar,
Har bir kurtak menga soʻylar roz,
Men yurganda bogʻlarga toʻlar
Faqat baxtni maqtagan ovoz:

«Mana senga olam-olam gul,
Etagingga siqqanicha ol,
Bunda tole har narsadan moʻl,
To oʻlguncha shu oʻlkada qol.

Umrida hech gul koʻrmay, yigʻlab
Oʻtganlarning haqqi ham senda,
Har bahorni yigʻlab qarshilab
Ketganlarning haqqi ham senda...»

Derazamning oldida bir tup
Oʻrik oppoq boʻlib gulladi...

Hamid Olimjon

Sharh

«Oʻrik gullaganda» — 1937-yilda yozilgan sheʼr. Deraza oldidagi gullagan oʻrik bahor va hayot quvonchi timsoli boʻladi; shoir oʻtganlarning armonlarini eslab, bugungi hayotdan shukr qiladi.

Lugʻat

shabboda
Tonggi yoki oqshomgi mayin, salqin shamol.
yakkash
Faqat, tinmay, muttasil, birin-ketin.
roz
Yashirin sir, koʻngil tuguni, qalb roz-niyozlari.
tole
Baxt, iqbol, taqdir yulduzi.

Muallif

Qoʻshilgan:

Ulashish

Telegram Facebook

Shu muallifning boshqa sheʼrlari

  • Boʻlsam Gʻazal

    Na boʻlgʻay bir nafas men ham yonogʻing uzra xol boʻlsam,
    Labing yaprogʻidan tomganki goʻyo qatra bol boʻlsam.

  • Eng gullagan yoshlik chogʻimda Erkin sheʼr

    Eng gullagan yoshlik chogʻimda,
    Sen ochilding koʻngil bogʻimda.

  • Har yurakning bir bahori bor Erkin sheʼr

    Har yurakning bir bahori bor,
    Har bir qalbga ishq boʻlar mehmon.

  • Holbuki, tun... Erkin sheʼr

    Holbuki, tun...
    Shagʻirlaydi betinim daryo,

  • Janub kechasida Erkin sheʼr

    Sen boʻlmasang, shu och toʻlqinlar
    Koʻrinmasdi sira koʻzimga,

  • Ofeliyaning oʻlimi Erkin sheʼr

    Orzung bor kuylashga, lekin qalbingdan
    Tarqalar bir maʼyus va gʻamgin sazo.

Yana sheʼrlar

  • Bogʻim

    O, u qanday fusunkor!
    Nur bilan toʻlgan butun.

    Erkin sheʼr · Usmon Nosir

    Erkin sheʼr
  • Dengiz oyna kabi

    Dengiz oyna kabi yaltirar,
    Toʻlqinlarga suqim oqadi.

    Erkin sheʼr · Usmon Nosir

    Erkin sheʼr
  • Dengizga

    Oq dengiz, yaxshi qol! Yaxshi qol, Shimol!
    Koʻnglimda ishqingni olib qaytaman.

    Erkin sheʼr · Usmon Nosir

    Erkin sheʼr
  • Gulzor — chaman...

    Gulzor — chaman. Yur bogʻlarga
    Eltay yetaklab.

    Erkin sheʼr · Usmon Nosir

    Erkin sheʼr
  • Monolog

    Sevgi! Sening shirin tilingdan
    Kim oʻpmagan, kim tishlamagan?

    Erkin sheʼr · Usmon Nosir

    Erkin sheʼr