Janub kechasida
ishqkechajanubtabiatHamid Olimjon
Sen boʻlmasang, shu och toʻlqinlar
Koʻrinmasdi sira koʻzimga,
Sen boʻlmasang oʻzimning koʻnglim
Kirmas edi aytgan soʻzimga.
Sen boʻlmasang, etmasdi xursand
Suv ustida suzib yurgan oy.
Hamisha shoʻx, doimo baland,
Yulduzdagi jon yoqar chiroy.
Qarashlaring tinchimni olib,
Chertib ketdi qalbim torini,
Shundan keyin sezdim yurakda
Shuncha kuchli oʻtning borini.
Aytib ber-chi, shuncha sevganlar
Boʻlganmikin mencha baxtiyor?
Aytib ber-chi, qaysi qiz burun
Sevib boʻlgan umid bilan yor?
Lugʻat
- och toʻlqin
- Mavj urgan, qirgʻoqqa shiddat bilan uriluvchi toʻlqin.
- chiroy
- Husn, goʻzallik, koʻrkamlik.
- chertmoq
- Tor yoki qalbni ohista tirnamoq, uygʻotmoq.
Qoʻshilgan:
Shu muallifning boshqa sheʼrlari
- Boʻlsam
Na boʻlgʻay bir nafas men ham yonogʻing uzra xol boʻlsam,
Labing yaprogʻidan tomganki goʻyo qatra bol boʻlsam. - Eng gullagan yoshlik chogʻimda
Eng gullagan yoshlik chogʻimda,
Sen ochilding koʻngil bogʻimda. - Har yurakning bir bahori bor
Har yurakning bir bahori bor,
Har bir qalbga ishq boʻlar mehmon. - Holbuki, tun...
Holbuki, tun...
Shagʻirlaydi betinim daryo, - Ofeliyaning oʻlimi
Orzung bor kuylashga, lekin qalbingdan
Tarqalar bir maʼyus va gʻamgin sazo. - Sevgi desam
Sevgi desam, faqat sen desam,
Sening bilan yashasa qalbim;
Yana sheʼrlar
- Erkin sheʼr
- Erkin sheʼr
- Dengizga
Oq dengiz, yaxshi qol! Yaxshi qol, Shimol!
Koʻnglimda ishqingni olib qaytaman.Erkin sheʼr · Usmon Nosir
Erkin sheʼr - Erkin sheʼr
- Erkin sheʼr