Asosiy mazmunga oʻtish

Bogʻim

Usmon Nosir · Erkin sheʼr · Zamonaviy davr · 24 misra

Usmon NosirBogʻimoʻlmaslikkelajakbahorbogʻbon

Matn

O, u qanday fusunkor!
Nur bilan toʻlgan butun.
Gullari chaman-chaman,
Men ularni ichaman:
Koʻnglimda yashnar bahor...
Nur bilan toʻlgan butun.

Bargdek uzilib ketsam,
Unutmas meni bogʻim:
Ishimni hurmat qilur,
Gullardan haykal qurur.
Ming yillardan keyin ham
Unutmas meni bogʻim!

Sheʼrlarim yangrab qolur —
Bir umrga oʻlmayman!
Hayotimning davomi —
Kelajagimga homiy,
Oʻrnimga bogʻbon boʻlur —
Bir umrga oʻlmayman!

O, u qanday davomdor!
Nur bilan toʻlgan butun.
Gullari chaman-chaman,
Men ularni ichaman:
Koʻnglimda yashnar bahor...
Nur bilan toʻlgan butun.

Usmon Nosir

Sharh

«Bogʻim» — shoir oʻz sheʼrlarini bogʻga oʻxshatadi va bargdek uzilib ketsa ham bogʻi uni unutmasligini, sheʼrlari yashashini yozadi.

Lugʻat

fusunkor
Sehrli, maftunkor, koʻzni oluvchi goʻzal.
homiy
Qoʻllovchi, himoya qiluvchi, yoʻl koʻrsatuvchi homiy.
chaman-chaman
Gullarga burkangan, rang-barang gullar toʻdasi.

Muallif

Qoʻshilgan:

Ulashish

Telegram Facebook

Shu muallifning boshqa sheʼrlari

  • Dengiz oyna kabi Erkin sheʼr

    Dengiz oyna kabi yaltirar,
    Toʻlqinlarga suqim oqadi.

  • Dengizga Erkin sheʼr

    Oq dengiz, yaxshi qol! Yaxshi qol, Shimol!
    Koʻnglimda ishqingni olib qaytaman.

  • Gulzor — chaman... Erkin sheʼr

    Gulzor — chaman. Yur bogʻlarga
    Eltay yetaklab.

  • Monolog Erkin sheʼr

    Sevgi! Sening shirin tilingdan
    Kim oʻpmagan, kim tishlamagan?

  • Nil va Rim Erkin sheʼr

    Lampam yonur… Yaralangan qanotdek ogʻir
    Oʻy bosadi. Yuragimda goʻyo sel yogʻir.

  • Oq yuvib, oq tarab... Erkin sheʼr

    Onajonim, sogʻ boʻlsang,
    Sevinchim mening.

Yana sheʼrlar