Holbuki, tun...
falsafatundaryoijodtabiatHamid Olimjon
Holbuki, tun...
Shagʻirlaydi betinim daryo,
Shagʻirlaydi vahm toʻlgan jar,
Shagʻirlaydi qorongʻi dunyo,
Shagʻirlaydi vodiy, daralar.
Shagʻirlaydi... Bermaydi uyqu,
Xayollarim boʻlar parishon,
Bir izlanish boshlanar menda,
Tushunchamga yana kirar jon.
Holbuki, tun — bunda, odatda,
Butun borliq uxlarday sokin,
Butun yer osmonga oʻranib,
Olar kabi kunduziday tin...
Soyga tushdim, koʻkda chiqdi oy,
Nur yogʻildi oq bulutlarga.
Nurga toʻldi dara, toʻldi soy,
Nur yogʻildi qorongʻi jarga.
Kezar edim, meni tinmayin
Taʼqib etar bir uzun soya,
Bilmadimkim, bormidir ishi,
Yo istarmi aytmoq hikoya.
Koʻzlarimda yonar uchqunlar,
Zilol suvga oy edi sirdosh,
Yaltirardi, doim tovlanar,
Oy nuriga choʻmiluvchi tosh.
Koʻzni tikdim, parquv bulutlar
Koʻchar edi zilol va toza.
Lochin kabi samolyot uchar,
Uchar edi solib ovoza.
Tikilgandi koʻzim qogʻozga,
Qoʻllarimda yugurar qalam.
Qurshamishdi uni hayajon,
Bir intilish, bir orzu bu dam.
Shagʻirlaydi osmon va havo,
Shagʻirlaydi butun koinot,
Shagʻirlaydi betinim daryo,
Shagʻirlaydi daryoda hayot...
Lugʻat
- shagʻirlamoq
- Daryo suvi yoki toshqinning shiddatli shovullashi.
- zilol
- Tiniq, pokiza, musaffo suv.
- ovoza
- Tovush, aks-sado, dong, shovqin-suron.
- parquv
- Pardek yumshoq, nafis, oppoq bulut.
Qoʻshilgan:
Shu muallifning boshqa sheʼrlari
- Boʻlsam
Na boʻlgʻay bir nafas men ham yonogʻing uzra xol boʻlsam,
Labing yaprogʻidan tomganki goʻyo qatra bol boʻlsam. - Eng gullagan yoshlik chogʻimda
Eng gullagan yoshlik chogʻimda,
Sen ochilding koʻngil bogʻimda. - Har yurakning bir bahori bor
Har yurakning bir bahori bor,
Har bir qalbga ishq boʻlar mehmon. - Janub kechasida
Sen boʻlmasang, shu och toʻlqinlar
Koʻrinmasdi sira koʻzimga, - Ofeliyaning oʻlimi
Orzung bor kuylashga, lekin qalbingdan
Tarqalar bir maʼyus va gʻamgin sazo. - Sevgi desam
Sevgi desam, faqat sen desam,
Sening bilan yashasa qalbim;
Yana sheʼrlar
- Erkin sheʼr
- Erkin sheʼr
- Dengizga
Oq dengiz, yaxshi qol! Yaxshi qol, Shimol!
Koʻnglimda ishqingni olib qaytaman.Erkin sheʼr · Usmon Nosir
Erkin sheʼr - Erkin sheʼr
- Erkin sheʼr