Binafsha
ChoʻlponBinafshaerkin sheʼrjadid adabiyotiramziy lirikaozodlik
Binafsha, senmisan, binafsha — senmi,
Koʻchada aqchaga sotilgan?
Binafsha menmanmi, binafsha menmi,
Sevgingga, qaygʻungga tutilgan?
Binafsha, nimaga bir ozroq ochilmay,
Bir erkin kulmasdan uzilding?
Binafsha, nimaga hidlaring sochilmay,
Yerlarga egilding, choʻzilding?
Binafsha,
Ayt menga,
Kimlardir, ularkim,
Ignani bagʻringga sanchalar?
Binafsha,
Bir soʻyla,
U qanday qoʻllarkim,
Uzalar, hidlaylar, yancharlar?
Binafsha, shunchalar chiroyli yuzing bor,
Nimaga uzoqroq kulmaysan?
Binafsha, shunchalar tortguvchi tusing bor,
Koʻnglimga issiqlik toʻkmaysan?
Binafsha, yigʻlama, binafsha, kel beri,
Qaygʻungni qaygʻumga qoʻshgil.
Binafsha, sen uchun koʻkragim erk yeri,
Bu yerdan koʻklarga uchgil.
Binafsha, goʻzalim, qaygʻulim, kelmaysan,
Qaygʻung zoʻr, qaygʻumni bilmaysan,
Menga bir kulmaysan.
Qoʻshilgan:
Shu muallifning boshqa sheʼrlari
- Goʻzal
Qorongʻu kechada koʻkka koʻz tikib,
Eng yorugʻ yulduzdan seni soʻraymen. - Kishan
Kishan, gavdamdagi izlar bu kun ham bitgani yoʻqdir!
Temir barmoqlaringning dogʻi butkul ketgani yoʻqdir! - Koʻngil
Koʻngil, sen munchalar nega
Kishanlar birla doʻstlashding? - Yorugʻ yulduzga
Goʻzal yulduz, nurli yulduz, tez soʻzla
Otalarning tarixdagi xatosin;
Yana sheʼrlar
- Dardiga darmon istamas
Bizni Turkiston eli dardiga darmon istamas,
Zulmat ichra kechsa umri, mohi tobon istamas,Erkin sheʼr · Hamza Hakimzoda Niyoziy
Erkin sheʼr - Mirrix yulduziga
Goʻzal yulduz, yerimizning eng qadrli tuqgʻani!
Nega bizdan qochib muncha uzoqlargʻa tushibsan,Erkin sheʼr · Abdurauf Fitrat
Erkin sheʼr - Oʻgit
Ogʻir yigit, sening goʻzal, nurli koʻzingda
Bu millatning saodatin, baxtin oʻqudim.Erkin sheʼr · Abdurauf Fitrat
Erkin sheʼr - Erkin sheʼr
- Erkin sheʼr