Asosiy mazmunga oʻtish

Dardiga darmon istamas

Hamza Hakimzoda Niyoziy · Erkin sheʼr · Jadidlar · 27 misra

MaʼrifatMillatUygʻonish

Matn

Bizni Turkiston eli dardiga darmon istamas,
Zulmat ichra kechsa umri, mohi tobon istamas,
Uxlama oʻzbek eli asri taraqqiy vaqtida.

Koʻnglidur oshuftai lahv-u tarab, nafs-u havo,
Tilsa zillat xanjari bagʻrini Luqmon istamas,
Uxlama oʻzbek eli asri taraqqiy vaqtida.

Qoʻlida domi tamaʼ, koʻzidadur kayf-u xumor,
Soch oqorub qaddi xam boʻlsa pushaymon istamas,
Uxlama oʻzbek eli asri taraqqiy vaqtida.

Ilmsizlikdan hama kelgon baloni anglayur,
Ittifoq-u gʻayrat aylab lek irfon istamas,
Uxlama oʻzbek eli asri taraqqiy vaqtida.

Keldi davri, tushdi osmondan Masihoyi ilm,
Bu nechuk badmurdalik, jismiga bir jon istamas,
Uxlama oʻzbek eli asri taraqqiy vaqtida.

Oʻzga millat uchsalar hikmat topub suyi samo,
Bizni ellar loaqal yer uzra davron istamas,
Uxlama oʻzbek eli asri taraqqiy vaqtida.

Oʻzgalar etmakda har kun ming sanoeʼ ixtiro,
Biz aholi topmoqa beranj bir non istamas,
Uxlama oʻzbek eli asri taraqqiy vaqtida.

Bu na vahshat, na jaholat er, qiz-u pir-u javon,
Domi gʻaflatdin xalos oʻlmoqqa imkon istamas,
Uxlama oʻzbek eli asri taraqqiy vaqtida.

Ey Nihon, ming hayf et insoniyat, islomiyat,
Millati xor oʻlmagʻin hech nomusulmon istamas,
Uxlama oʻzbek eli asri taraqqiy vaqtida.

Hamza Hakimzoda Niyoziy

Muallif

Qoʻshilgan:

Ulashish

Telegram Facebook

Yana sheʼrlar

  • Binafsha

    Binafsha, senmisan, binafsha — senmi,
    Koʻchada aqchaga sotilgan?

    Erkin sheʼr · Abdulhamid Choʻlpon

    Erkin sheʼr
  • Goʻzal

    Qorongʻu kechada koʻkka koʻz tikib,
    Eng yorugʻ yulduzdan seni soʻraymen.

    Erkin sheʼr · Abdulhamid Choʻlpon

    Erkin sheʼr
  • Kishan

    Kishan, gavdamdagi izlar bu kun ham bitgani yoʻqdir!
    Temir barmoqlaringning dogʻi butkul ketgani yoʻqdir!

    Erkin sheʼr · Abdulhamid Choʻlpon

    Erkin sheʼr
  • Koʻngil

    Koʻngil, sen munchalar nega
    Kishanlar birla doʻstlashding?

    Erkin sheʼr · Abdulhamid Choʻlpon

    Erkin sheʼr
  • Mirrix yulduziga

    Goʻzal yulduz, yerimizning eng qadrli tuqgʻani!
    Nega bizdan qochib muncha uzoqlargʻa tushibsan,

    Erkin sheʼr · Abdurauf Fitrat

    Erkin sheʼr